Bugungi kunda mahalliy Kengash deputatlarining xalq bilan bevosita muloqotini yo‘lga qo‘yishi, saylovchilar bilan muntazam uchrashib, ularning muammolarini joyida o‘rganishi muhim ahamiyat kasb etmoqda. Bunday uchrashuvlar fuqarolarning murojaatlarini tinglash, mavjud muammolarga amaliy yechim topish hamda deputat va saylovchi o‘rtasidagi aloqalarni mustahkamlashga xizmat qilmoqda.

Shu nuqtayi nazardan, Xalq deputatlari Chilonzor tuman Kengashi deputati Tuganbekov Oybek Baxrombekovichning “Kichik Xirmontepa” mahallasida saylovchilar bilan navbatdagi uchrashuvi mazmunli va amaliy ruhda o‘tkazildi. Unda mahalla raisi, mahalla yettiligi a’zolari, nuroniylar va faol fuqarolar ishtirok etdi.

Uchrashuv davomida fuqarolar tomonidan hududdagi mavjud muammo va kamchiliklar yuzasidan qator murojaatlar bildirildi. Jumladan, ayrim avtomobil yuvish shaxobchalari tomonidan piyodalar uchun mo‘ljallangan yo'laklarning to‘sib qo‘yilayotgani, buning natijasida aholiga noqulaylik tug‘ilayotgani ta’kidlandi. Shuningdek, mahalla hududida o‘tkazilayotgan motopoygalar yuzasidan ham fuqarolarning fikr va takliflari tinglandi.

Ko‘tarilgan har bir masalaga mas’uliyat bilan yondashilib, murojaatlarni tegishli tashkilotlar bilan hamkorlikda o‘rganish va amaliy yechim topish bo‘yicha vazifalar belgilandi. Dolzarb va tizimli tusga ega masalalar yuzasidan deputatlik so‘rovlari chiqarilishi rejalashtirildi.

Bunday uchrashuvlar aholining muammolarini joyida o‘rganish, ularning manfaatlarini himoya qilish hamda deputat va saylovchi o‘rtasidagi ishonchli muloqotni yanada mustahkamlashga xizmat qilmoqda.