Xalq deputatlari Pastdarg‘om tumani Kengashining tegishli doimiy komissiyasi va biriktirilgan tashkilotlar o‘rtasidagi hamkorlik ishlari izchil davom ettirilmoqda.

Shu doirada deputat A.Turdiqulovga biriktirilgan tashkilot Kengash kotibiyat mudiri F.Xolmuratova tomonidan Savdo-sanoat palatasining Pastdarg‘om tumani bo‘limi faoliyati bilan tanishildi.

O‘rganish davomida hududda tadbirkorlikni rivojlantirish, tadbirkorlik subyektlarini qo‘llab-quvvatlash, ularning murojaat va muammolarini o‘rganish hamda mavjud masalalarni tegishli tartibda hal etish borasida amalga oshirilayotgan ishlar ko‘rib chiqildi.

Shuningdek, doimiy komissiya va Savdo-sanoat palatasi tuman bo‘limi o‘rtasidagi hamkorlikni yanada kuchaytirish, tadbirkorlar manfaatlarini himoya qilish va hudud iqtisodiy salohiyatini oshirish bo‘yicha fikr almashildi.