#Kengash_sessiyalariga_oid

Xalq deputatlari Payariq tumani Kengashining VII chaqiriq, 29-sessiyasida O‘zbekiston Respublikasi Prezidentining 2024-yil 25-noyabrdagi PQ-405-son qarori bilan tasdiqlangan “Kambag‘allikdan farovonlik sari” dasturining tumandagi ijrosi yuzasidan masala ko‘rib chiqildi.

Sessiyada kambag‘al oilalarni qo‘llab-quvvatlash, aholini ish bilan ta’minlash, kasb-hunarga o‘qitish, tadbirkorlikka jalb etish hamda imtiyozli kredit, ssuda va subsidiyalar ajratish borasida amalga oshirilgan ishlar muhokama qilindi.

Yilning yanvar-iyun oylarida 2 293 ta oila va 9 025 nafar aholi turli xizmatlar bilan qamrab olinib, 954 nafar fuqaro doimiy ishga joylashtirilgani qayd etildi.

Muhokamalar yakunida PQ-405-son qarorining tumandagi ijrosi yuzasidan axborot qoniqarli deb topilib, tegishli Kengash qarori tasdiqlandi.

Qaror bilan kambag‘al oilalar bilan individual ishlashni kuchaytirish, ularni doimiy daromad manbai bilan ta’minlash hamda faol nuroniylar bilan hamkorlikni yanada rivojlantirish bo‘yicha vazifalar belgilandi.

Bizni ijtimoiy tarmoqlarda kuzating:
Telegram | Veb-Sayt| Facebook|instagram |You tube|