📌 QISHLOQBOZOR MAHALLASIDAGI TIBBIY MUASSASA FAOLIYATI O‘RGANILDI

🏛 Xalq deputatlari Sherobod tumani Kengashi 18-Cho‘yinchi–Qishloqbozor saylov okrugi deputati B. Toshpo‘latov hamda Xalq deputatlari Sherobod tumani Kengashi kotibiyati bosh mutaxassisi S. Safarov tomonidan “Qishloqbozor” mahallasi hududida joylashgan 87-Chuqurko‘l oilaviy poliklinikasiga qarashli Qishloqbozor filiali faoliyati o‘rganildi.

🏥 O‘rganish jarayonida muassasada aholiga ko‘rsatilayotgan birlamchi tibbiy xizmatlar sifati, mavjud shart-sharoitlar, tibbiyot xodimlarining faoliyati hamda profilaktik tadbirlarning tashkil etilish holati atroflicha tahlil qilindi.

📊 Deputat tomonidan tibbiy xizmatlar sifatini yanada oshirish, kasalliklarni erta aniqlash va ularning oldini olishga qaratilgan profilaktik ishlarni kuchaytirish yuzasidan tegishli tavsiya va topshiriqlar berildi.

📑 Shuningdek, o‘rganish davomida O‘zbekiston Respublikasining “Oziq-ovqat xavfsizligi to‘g‘risida”gi O‘RQ–1023-son Qonuni ijrosi yuzasidan savolnoma asosida monitoring o‘tkazildi.

🍎 Monitoring jarayonida aholi o‘rtasida sog‘lom ovqatlanish madaniyatini shakllantirish, oziq-ovqat mahsulotlarini to‘g‘ri saqlash va iste’mol qilish bo‘yicha olib borilayotgan targ‘ibot-tashviqot ishlari, shuningdek, qonun talablarining amaliy ijrosi o‘rganildi.

✅ O‘rganish yakunlari bo‘yicha aniqlangan masalalar yuzasidan tegishli tavsiyalar berilib, mavjud kamchiliklarni bartaraf etish hamda aholiga ko‘rsatilayotgan tibbiy xizmatlar sifatini yanada oshirish bo‘yicha zarur vazifalar belgilandi.