Xalq deputatlari Jondor tumani Kengashiga 20-Zarafshon saylov okrugidan saylangan deputat M.Hojiyeva hamda tuman Kengashi kotibiyati bosh mutaxassislari J.Norov va R.Murodovlar tomonidan “Zangi” mahallasida saylovchilar bilan uchrashuv o‘tkazildi.
⚡️Uchrashuv davomida fuqarolarning murojaat va takliflari tinglanib, mahalla hududidagi ijtimoiy infratuzilma obyektlari hamda ichki avtomobil yo‘llarining holati joyiga chiqqan holda o‘rganildi.
⚡️O‘rganishlar jarayonida mahalladagi ayrim ichki yo‘llarni ta’mirlash, elektr ta’minoti bilan bog‘liq mavjud muammolarni bartaraf etish hamda 32-sonli davlat maktabgacha ta’lim tashkilotidagi kamchiliklarni hal etish zarurligi aniqlandi.
⚡️Mazkur masalalarni ijobiy hal etish maqsadida tegishli mutasaddi tashkilotlarga deputatlik so‘rovlari chiqarish va muammolar ijrosini nazoratga olish bo‘yicha kelishuvga erishildi.
⚡️Xalq deputatlari Jondor tumani Kengashi tomonidan aholi murojaatlarini o‘rganish, hududlardagi dolzarb muammolarni aniqlash va ularning yechimi yuzasidan amaliy choralar ko‘rish ishlari izchil davom ettirilmoqda.