Mahalla infratuzilmasi: Ichimlik suvi ta’minoti
yakuniy bosqichda 

11-Zominovul saylov okrugi bo‘yicha Xalq demokratik
partiyasi (XDP) deputatlik guruhi a’zosi T.Azamatov tomonidan aholini uzluksiz
kommunal xizmatlar (elektr energiyasi, tabiiy gaz, ichimlik va issiq suv) bilan
ta’minlash borasidagi o‘rganishlar davom etmoqda. 

Shu maqsadda, deputat “Oqtepa” MFY raisi bilan
uchrashib, mahalla hududidagi dolzarb infratuzilma masalalari yuzasidan muloqot
o‘tkazdi. 

Suhbat jarayonida asosiy e’tibor ichimlik suvi
muammosiga qaratildi: 

· Mahalladagi eng dolzarb masalalardan biri bo‘lgan
toza ichimlik suvi ta’minotini yaxshilash bo‘yicha tizimli ishlar olib
borilmoqda. 

· Hozirgi kunga qadar hududda ichimlik suvi chiqarilib,
asosiy suv tarmoqlari to‘liq tortilgani ma’lum qilindi. 

· Ayni vaqtda jarayonning yakuniy bosqichi — suv
tarmoqlarini xonadonlarga kiritish va suv hisoblagichlarini o‘rnatish ishlari
amalga oshirilishi kutilmoqda.