📌 “Narpay tajribasi” asosida Nurbuloq mahallasida yo‘l ta’miri masalasi muhokama qilindi

🔹 Xalq deputatlari Nurobod tumani Kengashi deputati S.Suyarov tumandagi Nurbuloq mahallasida bo‘lib, “Mahalla yettiligi” a’zolari hamda mahalla faollari bilan uchrashuv o‘tkazdi.

🔹 Uchrashuv davomida hudud infratuzilmasini yaxshilash, xususan, ichki yo‘llarni ta’mirlash masalalari atroflicha muhokama qilindi. Xususan, Narpay tumani tajribasi asosida Nurbuloq mahallasidagi 9,7 km ichki yo‘lni ta’mirlash va asfalt qoplamali yo‘lga aylantirish masalasi ko‘rib chiqildi.

🔹 Muhokamalar jarayonida mazkur loyihani “2026-yil dasturi” doirasida amalga oshirish yuzasidan takliflar bildirildi hamda mas’ullar ishtirokida kelishuvga erishildi.

🔹 Shuningdek, deputat tomonidan ushbu masala doimiy nazoratga olingani, belgilangan ishlar o‘z vaqtida va sifatli amalga oshirilishi yuzasidan zarur choralar ko‘rilishi ta’kidlandi.

🔹 Mazkur tashabbus aholi uchun qulay infratuzilmani yaratish, transport qatnovini yengillashtirish va mahallaning ijtimoiy-iqtisodiy rivojiga xizmat qilishi bilan ahamiyatlidir.