Xalq deputatlari Shayxontohur tuman Kengashi deputati Boborajabov Baxodir Nasriddin o'g'li tomonidan fuqarolardan kelib tushgan taklif va shikoyatlar asosida hududda jamoat transporti bekati qurish masalasi yuzasidan olib borilayotgan ishlar joyiga chiqib o’rganildi.

O’rganish jarayonida aholi uchun qulaylik yaratish, xavfsizlik talablariga rioya qilish hamda transport harakatini samarali tashkil etish kabi jihatlarga alohida e’tibor qaratildi. Mutaxassislar bilan birgalikda bekat joylashuvi, infratuzilma imkoniyatlari va qurilish ishlarining borishi muhokama qilindi.

O'rganish yakunida deputat tomonidan masala doimiy nazoratga olingan bo’lib, fuqarolar uchun yanada qulay infratuzilma yaratish yo’lida ishlar davom ettirilishi ma'lum qilindi.