🔹 Xalq deputatlari Nurobod tumani Kengashi raisi Z.Suyarova, tuman Kengashi deputatlari N.Norkarayev, G.Xusanova hamda O‘zbekiston Liberal-demokratik partiyasi tuman Kengashi apparat rahbari M.Usanovalar ishtirokida tumandagi Ag‘ron va Navbahor mahallalarida ijtimoiy himoyaga muhtoj, shuningdek nogironligi bo‘lgan fuqarolar holidan xabar olish maqsadida o‘rganish ishlari olib borildi.

🔹 Tashrif davomida fuqarolar bilan ochiq muloqot o‘tkazilib, ularning turmush sharoiti, sog‘ligi va mavjud muammolari atroflicha o‘rganildi. 

🔹 Jumladan, fuqarolar I.Namozov, E.Abdullayev va K.Egamberdiyevlarning xonadonlariga borilib, ularning salomatligi va ijtimoiy ahvoli yuzasidan suhbat olib borildi.

🔹 Aniqlangan muammolarni bartaraf etish yuzasidan tegishli mas’ullarga vazifalar yuklatilib, har bir murojaat ijrosi alohida nazoratga olindi.

🔹 Bu kabi o‘rganishlar aholini qiynayotgan masalalarni o‘z vaqtida hal etish, fuqarolarni qo‘llab-quvvatlash va ularning turmush darajasini yaxshilashga xizmat qiladi.