️Xalq deputatlari Guliston shahar Kengashi deputati Nosirjon Egamberdiyev tomonidan fuqarolar murojaati asosida yuborilgan deputatlik so‘rovi ijrosi joyiga chiqib o‘rganildi.

Xususan, Guliston shahri Ma’naviyat MFY, Mushtariy ko‘chasi 30-uy atrofida ichimlik suvi quvuridagi nosozlik bo‘yicha deputat tomonidan ilgari surilgan murojaat ijrosi yuzasidan amalga oshirilgan ishlar nazorat tartibida ko‘zdan kechirildi.

️Aniqlanishicha, “Sirdaryo suv ta’minoti” AJ Guliston shahar bo‘limi tomonidan hudud mutaxassislar ishtirokida o‘rganilib, yorilgan ichimlik suvi quvuridagi nosozlik avariya-tiklash guruhi tomonidan tezkor bartaraf etilgan.

Natijada fuqarolar murojaatida ko‘tarilgan muammo ijobiy hal etilib, hududdagi ichimlik suvi ta’minoti barqarorlashtirildi.

️Deputatlik so‘rovlari ijrosini joyida nazorat qilish orqali aholi murojaatlarining amaliy yechim topishi ta’minlanmoqda.