Xalq deputatlari Zarbdor tuman Kengashiga 12-Sharq yulduzi saylov okrugidan saylangan deputat M.Isroilova tomonidan Sharq yulduzi mahallasi hududida elektr energiyasi ta’minoti holati o‘rganildi.

️O‘rganish jarayonida Zargarlik ko‘chasida joylashgan transformatorning ochiq holatda ekani hamda ayrim texnik qismlari ta’mirtalab ahvolda ekanligi aniqlandi.

Shuningdek, Saodat ko‘chasida elektr tarmog‘i ustunidagi kabellar uzilganligi, hamda bitta xonadonga elektr tarmog‘i yog‘och ustun orqali tortilgani ma’lum bo‘ldi. Mazkur yog‘och ustun yaroqsiz holatga kelgani bois, ushbu hududda beton tayanch ustun o‘rnatish zarurligi qayd etildi.

Aniqlangan kamchiliklar fuqarolar xavfsizligi va barqaror elektr ta’minotiga salbiy ta’sir ko‘rsatayotganini inobatga olib, muammolarni bartaraf etish maqsadida tegishli tashkilotlarga deputat so‘rovi yuborish belgilandi.

Mazkur masala deputat nazoratiga olindi.