Davlat tilining nufuzi va qo‘llanish doirasini kengaytirish, rasmiy ish yuritishda qonunchilik talablariga qat’iy rioya etilishini ta’minlash bo‘yicha tizimli ishlar izchil davom etmoqda. 

Jumladan, Xalq deputatlari Zomin tumani Kengashi raisi D. BEGMATOVA, Kengash deputati Y. SAFAROV, tuman hokimining Ma'naviyat va davlat tili masalalari bo'yicha maslahatchisi X. SIDIKOVlar tomonidan Zomin tumani Soliq inspeksiyasida navbatdagi o‘rganish ishlari amalga oshirildi. 

Monitoring jarayonida inspeksiya faoliyatida qo‘llanayotgan barcha rasmiy ish hujjatlari, buyruqlar, xizmat yozishmalari, shuningdek, tashkilot hududidagi bannerlar, ko‘rgazmali axborot vositalarida davlat tilining imlo normalari va uslubiy me’yorlarga to‘liq rioya etilganligi sinchiklab ko‘zdan kechirildi.

O‘rganish davomida ayrim texnik va imloviy kamchiliklar aniqlanib, ular bo‘yicha mutasaddilarga aniq ko‘rsatma va tavsiyalar berildi hamda ularni belgilangan muddatlarda bartaraf etish vazifasi yuklatildi.