Mazkur murojaatda fuqaro mahallada olib borilayotgan obodonlashtirish ishlari, xususan ichki ko‘chalarning asfalt qilinayotgani aholi uchun katta qulaylik yaratayotganini mamnuniyat bilan qayd etgan.

 Biroq, boshlanib qolgan ayrim ishlar yakuniga yetkazilmay qolganligi ham ta’kidlandi. Jumladan:

 Shokirbekov ko‘chasining 120 metr qismi

 O‘zbekiston ko‘chasidagi 80-uyga kirish yo‘lining 100 metr qismi asfaltlanmagan

 Ushbu holat hudud aholisi uchun qator noqulayliklarni keltirib chiqarmoqda.

 Fuqaro ushbu masala yuzasidan bir necha bor mas’ul tashkilotlarga murojaat qilganini, ammo hozirgacha muammo o‘z yechimini topmaganini bildirib o‘tdi.

 O‘rganish davomida yana bir muhim muammo aniqlandi — mahalla ichki ko‘chalaridagi 50 ga yaqin simyog‘ochlar eskirgan va yaroqsiz holga kelgan. Ularni zamonaviy beton ustunlarga almashtirish zarurati mavjudligi qayd etildi.

 Aniqlangan barcha muammolar yuzasidan tegishli chora-tadbirlar ishlab chiqilib, deputatlar tomonidan deputatlik so‘rovlari orqali nazoratga olindi.

 Aholi murojaatlarini joyiga chiqib o‘rganish va ularni amaliy hal etish — ustuvor vazifalardan biridir.