Mazkur tadbirda Zomin tuman Kengashi deputatlari N.Oxunova va L.Mustafakulovalar hamda “Milliy tiklanish” demokratik partiyasi Jizzax viloyat Kengashi ishtirok etib, yosh avlodni kitobxonlik madaniyatiga keng jalb etish, ularning intellektual salohiyati va dunyoqarashini yuksaltirishda kitobning o‘rni muhim ekanligini alohida ta’kidladilar.

Tadbir davomida ota-onalar hamda tarbiyalanuvchilar ishtirokida kitob mutolaasining ahamiyati, bolalarda erta yoshdan kitobga mehr va qiziqish uyg‘otishning samarali mexanizmlari yuzasidan tushuntirish ishlari olib borildi. Shuningdek, tarbiyalanuvchilar tomonidan badiiy chiqishlar namoyish etildi. 

Shu bilan birga, “Mening birinchi kutubxonam” loyihasi doirasida 14-sonli maktabgacha ta’lim tashkilotiga maktabgacha yoshdagi bolalar uchun mo‘ljallangan badiiy va rivojlantiruvchi adabiyotlar to‘plami sovg‘a qilinib, muassasaning moddiy-ma’rifiy bazasi mustahkamlandi.