Xalq deputatlari Chilonzor tuman Kengashining 19-Sharq saylov okrugi deputati Tadjiyeva Muxabbat Xaydaraliyevna tomonidan okrug hududidagi mahallalarda o‘rganish ishlari amalga oshirildi.

Mazkur o‘rganishlar davomida mahalla ichki ko‘cha yo‘llarining texnik holati, yo‘llarning ta’mirtalab qismlari, ko‘chalar infratuzilmasi, shuningdek, tungi yoritish tizimining holati atroflicha ko‘zdan kechirildi. 

Shu bilan birga, avtomobil yo‘llarida yuzaga kelayotgan tirbandliklar, harakat xavfsizligi darajasi alohida tahlil qilindi.

O‘rganishlar yakunida aniqlangan muammolarni bartaraf etish, xususan, yo‘l-transport hodisalarini kamaytirish, harakat xavfsizligini ta’minlash, ko‘chalarni zamonaviy yoritish tizimlari bilan jihozlash hamda ichki yo‘llarni bosqichma-bosqich ta’mirlash yuzasidan tegishli taklif va tavsiyalar ishlab chiqildi.

Mazkur yo‘nalishdagi ishlarni tizimli tashkil etish va aniqlangan kamchiliklarni bartaraf etish bo‘yicha mutasaddi tashkilotlar bilan hamkorlikda amaliy chora-tadbirlar belgilandi.