XALQ MANFAATI — HAR NARSADAN USTUN: BAXMALLIK DEPUTATNING TASHABBUSI

Bugungi kunda xalq vakili bo‘lish nafaqat mas’uliyat, balki chinakam fidoyilikni talab etadi. Saylovchilarning ishonchini oqlash, ularning dardu tashvishlari bilan yashash har bir deputatning asosiy burchidir.

Xalq deputatlari Baxmal tumani Kengashi deputati Baratova Muxayyo Safarovna aynan shunday faol va o‘z saylovchilarining muammolariga befarq bo‘lmagan rahbarlardan biri sifatida gavdalanmoqda.

Muammo markazida — bolajonlar va mahalla ahli

Baxmal tumani, "Davlat" MFY, Sutlibuloq qishlog‘i aholisidan kelib tushgan murojaat deputat tomonidan chetda qoldirilmadi. Oqchinor ko‘chasining 220 metrli qismi abgor holatga kelib, ayniqsa maktabga qatnaydigan yosh o‘quvchilar uchun katta qiyinchilik tug‘dirayotgan edi.

Yog‘ingarchilikda loy, jaziramada chang bo‘ladigan bu yo‘l aholining kundalik hayotiga jiddiy to‘sqinlik qilayotganini ko‘rgan deputat darhol amaliy harakatga o‘tdi.

Qat’iyat va mas’uliyat

M. Baratova tomonidan tuman Obodonlashtirish boshqarmasiga yo‘llangan rasmiy deputatlik so‘rovi shunchaki qog‘ozdagi hujjat emas, balki xalq ovozining mutasaddilarga yetkazilishidir. Deputat o‘z so‘rovida muammoning huquqiy asoslarini aniq ko‘rsatib, mas’ullarni qonun oldidagi javobgarlikka chaqirdi.

Bu kabi qat’iyatli qadamlar tumanimizdagi ichki yo‘llarni tartibga solish, aholi farovonligini oshirish va davlatimiz rahbari tomonidan ilgari surilayotgan "Inson qadri uchun" tamoyilining amaldagi ifodasidir.

Xalq roziligi — eng oliy mukofot

Muxayyo Safarovnaning bunday tashabbuskorligi nafaqat Sutlibuloq ahli, balki butun tuman jamoatchiligi tomonidan e’tirof etilmoqda. Xalqning dardini o‘z dardi deb bilgan, saylovchilar bilan doimiy muloqotda bo‘lgan deputatlar bor ekan, mahalla va qishloqlarimiz obod bo‘laveradi.

Biz mard va qat’iyatli deputatimizga kelgusi faoliyatida zafarlar tilaymiz! Mutasaddilardan esa ushbu so‘rovning ijrosini qisqa muddatlarda kutib qolamiz