Aholining yashash sharoitini yaxshilash, odamlar bilan ochiq muloqot orqali ularni qiynab kelayotgan muammolariga yechim topish, tashabbus va takliflarini qo‘llab-quvvatlash maqsadida Xalq deputatlari Qo‘shko‘pir tuman kengashi deputati, tuman hokimi Shuxrat Axmedovning navbatdagi ommaviy sayyor qabuli o‘tkazildi. 

Qabulda ishtirok etgan fuqarolar o‘zlarining muammolari yuzasidan murojaatlarini bayon etishdi. Fuqaro murojaatlari asosan kadastr, ijtimoiy-iqtisodiy, yer munosabatlari, bandlik, elektor energiya va yo‘l kabi masalalarga oid boʻldi.

Har bir murojaat alohida e’tiborga olinib, ayrim masalalar shu joyning o‘zida hal etildi. Ayrim murojaatlar esa o‘rganish maqsadida Xalq deputatlari Qo‘shko‘pir tuman kengashi deputati, tuman hokimi Shuxrat Axmedovning shaxsan o‘zlari tomonidan joyiga chiqib ko‘rib chiqildi va tegishli mutasaddilarga topshiriqlar berildi. Ularning ijrosi qat’iy nazoratga olindi.