Навбатдаги сессияда туман ҳокими, туман прокурори, туман ИИБ бошлиғи, туман Солиқ инспекцияси бошлиқларининг 2023 йил 2-чораги давомида олиб борган ишлари бўйича ҳисоботи тингланди. 

Туман прокурори Н.Маматазизовнинг "Қонунийлик аҳволи ва жиноятчиликка қарши кураш ҳолати тўғрисида"ги, туман ИИБ бошлиғи Б.Аҳмедовнинг "Ҳуқуқбузарликлар профилактикаси ва жиноятчиликка қарши курашиш соҳасида ўтган 6 ой мобайнида бажарилган ишлар тўғрисида"ги туман ИИБ ўринбосари А.Раҳматуллаевнинг жорий йил ўтган муддати оралиғидаги амалга оширилган ишлари, шунингдек, туман Адлия бўлими, туман солиқ инспекциялари бошлиқларининг йилнинг айни вақтигача бажарган ишлари юзасидан ҳисоботлари тингланди.

Ўз навбатида "Аёллар дафтари", ташаббусли бюджет жамғармаларидан маблағ ажратиш, туман ҳокими қарорларини тасдиқлаш сингари яна бир қатор масалалар ҳам кўриб чиқилди.

Сессияда туман ҳокими ўринбосарлари, гуруҳ ва бўлим раҳбарлари, туман, вилоят Кенгашлари депутатлари, тегишли идоралар вакиллари иштирок этишди.

Сессия сўнгида кўрилган масалалар юзасидан тегишли қарорлар қабул қилинди.