Xalq deputatlari Boyovut tumani Kengashiga “Milliy tiklanish” demokratik partiyasidan saylangan deputat Shuhrat Qudratov hamda partiya xodimlari tomonidan Boyovut tumanidagi Tinchlik mahallasi 9-sonli umumiy o‘rta ta'lim maktabi binosida aholi muammolari o‘rganilib ularga amaliy ko‘mak berish maqsadida "Sayyor qabul" loyihasi doirasida fuqarolar bilan uchrashuv tashkil etildi. Bu kabi sayyor qabullarning o‘tkazib borilishi, xalq bilan faol va ochiq muloqotlar, avvalo inson huquq hamda manfaatlarini ta'minlash orqali xalqimizning farovon, baxtli hayot kechirishi uchun munosib shart-sharoit yaratish maqsad qilingan.