📚 Hududdagi kutubxona faoliyati o‘rganildi

Xalq deputatlari O‘rta Chirchiq tuman Kengashi deputati N.Nasrullayev nomidan tuman Kengashi kotibiyati bosh mutaxassisi Sh.Eshov tomonidan Usmon ota MFY hududidagi 39-sonli umumiy o‘rta ta’lim maktabi kutubxonasi faoliyati o‘rganildi.

📚 O‘rganish davomida kutubxonaning umumiy holati, mavjud kitob fondi, o‘quvchilar uchun yaratilgan shart-sharoitlar, adabiyotlarning saqlanishi hamda kitobxonlar uchun foydalanish imkoniyatlari ko‘zdan kechirildi.

📚 Kutubxonadagi mavjud adabiyotlar tarkibi va soni, o‘quvchilarning kitob o‘qishga bo‘lgan qiziqishi, yoshlar uchun zarur bo‘lgan badiiy va ilmiy adabiyotlarga ehtiyoj masalalari o‘rganildi.

📚 O‘rganish jarayonida kutubxona mas’uli bilan suhbat o‘tkazilib, kitob fondini boyitish, zamonaviy va bolalar uchun qiziqarli adabiyotlar bilan ta’minlash, o‘quvchilar o‘rtasida kitobxonlik madaniyatini yanada rivojlantirish hamda kutubxonadan samarali foydalanishni kengaytirish yuzasidan fikr va takliflar tinglandi.

✅Xalq deputatlari O'rta Chirchiq tuman Kengashi kotibiyati axborot xizmati!