#Deputatlik_nazorati #partiya_guruhlari

JAMOAT MUHOKAMASIDA QURIB QOLGAN DARAXT MASALASI KO‘RIB CHIQILDI

🧠 Fuqarolar xavfsizligi, hudud obodonchiligi va atrof-muhitni muhofaza qilish masalalariga alohida e’tibor qaratish maqsadida tumandagi Toshkent shahar tez tibbiy yordam klinik shifoxonasi hududida qurib qolgan daraxtlarni olib tashlash masalasi yuzasidan jamoat muhokamasi o‘tkazildi.

💼 Unda O'zbekiston Ekologik partiyasining xalq deputatlari Uchtepa tumani Kengashidagi deputatlik guruhi a'zolari, tuman deputatlari Abdullayeva Kimyo Adilovna va Djalolov Sanjar Gayratovich, hudud aholisi, mas’ul xodimlar hamda manfaatdor tomonlar ishtirok etdi. Muhokama davomida mazkur daraxtlarning holati, qurib qolgani hamda uning atrofdagi hududga ta’siri o‘rganildi.

💬 Ishtirokchilar daraxtlarning qurib qolishi natijasida fuqarolar xavfsizligiga, hudud obodonchiligiga va atrof-muhitga salbiy ta’sir yuzaga kelishi mumkinligini qayd etdilar. Shu munosabat bilan daraxtni tegishli tartibda olib tashlash masalasi muhokama qilindi. Jamoat muhokamasi yakunlariga ko‘ra, qurib qolgan daraxtlarni belgilangan tartibda olib tashlash taklifi jamoatchilik tomonidan ma’qullandi.

📈 Shu bilan birga, daraxtni kesish va olib tashlash ishlari tegishli vakolatli tashkilotlarning xulosasi hamda amaldagi qonunchilik va belgilangan tartib-qoidalar asosida amalga oshirilishi tavsiya etildi.