🎒 3-sonli maktabda boshlang‘ich sinflarning yangi o‘quv yiliga tayyorgarligi o‘rganildi

📚 1-sinf o‘quvchilari uchun yaratilgan shart-sharoitlar ko‘zdan kechirildi

Xalq deputatlari Navoiy shahar Kengashi deputati Qo‘ziyev Ravshan Raimovich hamda Kengash kotibiyati mudiri Jo‘rabek Hafizov tomonidan Navoiy shahridagi 3-sonli umumiy o‘rta ta’lim maktabida yangi o‘quv yiliga tayyorgarlik doirasida o‘rganish ishlari olib borildi.

🔎 O‘rganish jarayonida boshlang‘ich sinf xonalarining yangi o‘quv yiliga tayyorgarlik holati, ularning sanitariya va obodonlashtirish darajasi, o‘quvchilar uchun yaratilgan shart-sharoitlar hamda zarur jihozlar bilan ta’minlanganligi ko‘zdan kechirildi.

🎒 Shuningdek, yangi o‘quv yilida 1-sinfga qabul qilinadigan o‘quvchilarga beriladigan o‘quv qurollarining mavjudligi, ularning to‘liqligi va belgilangan tartibda tayyorlanganlik holatiga alohida e’tibor qaratildi.

📖 O‘quvchilarning ilk ta’lim bosqichini munosib sharoitlarda boshlashi, ular uchun qulay va xavfsiz ta’lim muhitini yaratish hamda zarur o‘quv jihozlari bilan ta’minlash masalalari yuzasidan tegishli fikr va takliflar bildirildi.

⚖️ Mazkur ishlar O‘zbekiston Respublikasining 2020-yil 23-sentabrdagi “Ta’lim to‘g‘risida”gi O‘RQ-637-son Qonunida belgilangan ta’lim oluvchilar uchun zarur shart-sharoitlarni yaratish hamda ta’lim olish huquqini ta’minlashga qaratilgan vazifalarga hamohangdir.

📌 O‘rganish yakunida boshlang‘ich sinf xonalarini yangi o‘quv yiliga yanada puxta tayyorlash, 1-sinf o‘quvchilarini zarur o‘quv qurollari bilan ta’minlash hamda ta’lim jarayonini yuqori saviyada tashkil etish yuzasidan tegishli tavsiyalar bildirildi.

🌟 Birinchi qadam — katta kelajak sari yo‘l. Farzandlarimizning maktabdagi ilk kunlari munosib sharoit va yuqori e’tibor bilan boshlanishi muhimdir.