Xalq deputatlari Jondor tumani Kengashiga 25-Samonchuq saylov okrugidan saylangan deputat B. Dilliyev hamda tuman Kengashi kotibiyati mudiri I. Xolov tomonidan Samonchuq mahallasining Gulobod qishlog‘ida aholini tashvishga solayotgan muammolardan biri — yaroqsiz holatga kelib qolgan simyog‘ochlar holati joyiga chiqib o‘rganildi.
👉O‘rganish davomida ayrim elektr tarmoqlari ustunlarining eskirib, foydalanish uchun xavfli holatga kelib qolgani, bu esa aholi xavfsizligi va elektr ta’minotining barqarorligiga salbiy ta’sir ko‘rsatishi mumkinligi aniqlandi.
👉Mas’ullar bilan birgalikda mavjud muammoni bartaraf etish, yaroqsiz simyog‘ochlarni yangilariga almashtirish hamda elektr tarmoqlarining texnik holatini yaxshilash bo‘yicha tegishli choralarni ko‘rish masalalari muhokama qilindi.
👉Deputat B. Dilliyev fuqarolar murojaatlarida ko‘tarilayotgan bunday muammolarni joyida o‘rganish va ularning amaliy yechimini ta’minlash deputatlik faoliyatining muhim yo‘nalishlaridan biri ekanini ta’kidladi.
👉Kelgusida mazkur masala mas’ul tashkilotlar bilan hamkorlikda nazoratga olinib, Gulobod qishlog‘idagi elektr tarmoqlari infratuzilmasini yaxshilash yuzasidan tegishli ishlar amalga oshirilishi belgilandi.