Xitoy bilan hamkorlikdagi investitsiya loyihalari o‘rganildi

Xalq deputatlari Oqoltin tumani Kengashi raisi Sh.Eshbayev hamda Kengash kotibiyati mudiri N.Turdiyev tomonidan Oqoltin tumanida joylashgan kichik sanoat zonasida Xitoy Xalq Respublikasi bilan hamkorlikda amalga oshirilishi rejalashtirilgan investitsiya loyihalari bilan tanishildi.

O‘rganish davomida mazkur investitsiya loyihasi doirasida 3 ta zamonaviy korxona tashkil etilishi, loyihalarning umumiy qiymati 28 mln AQSH dollarini tashkil etishi hamda amalga oshirilishi natijasida 115 ta yangi ish o‘rni yaratilishi ko‘zda tutilgani ma’lum qilindi. Loyihalarning hudud iqtisodiy salohiyatini oshirish, yangi ishlab chiqarish quvvatlarini yaratish va aholi bandligini ta’minlashdagi ahamiyatiga alohida e’tibor qaratildi.

Mazkur korxonalarni 2027-yilda ishga tushirish rejalashtirilgan bo‘lib, loyihalarning o‘z vaqtida va sifatli amalga oshirilishi hududning sanoat salohiyatini yanada yuksaltirishga xizmat qiladi.