Xalq deputatlari Qo‘qon shahar Kengashiga 21-“Urganjibog‘” saylov okrugidan saylangan deputat M.Azimov hududidagi “Urganjibog‘” mahalla fuqarolar yig‘inida Xalq deputatlari Qo‘qon shahar Kengashi kotibiyati mudiri A.Nosirov tomonidan o‘rganish ishlari olib borildi.

O‘rganish davomida “Urganjibog‘” MFY xotin-qizlar faoli R.Bekmurodova tomonidan O‘zbekiston Respublikasining 2019-yil 2-sentabrdagi O‘RQ-561-sonli “Xotin-qizlarni tazyiq va zo‘ravonlikdan himoya qilish to‘g‘risida”gi Qonuni ijrosini ta’minlash borasida amalga oshirilayotgan ishlar yuzasidan ma’lumotlar o‘rganildi.

O‘rganish natijasida mahallada 2 103 nafar xotin-qiz istiqomat qilishi, shundan 1 600 nafari mehnatga layoqatli, 41 nafari I–II guruh nogironligi bo‘lgan xotin-qizlar ekanligi ma’lum bo‘ldi.

Shuningdek, amalga oshirilgan ishlar doirasida:
1 nafar ajrim yoqasidagi oila yarashtirilgan;
41 nafar xotin-qizning ijtimoiy holati o‘rganilib, “Ayollar daftari”ga kiritilgan;
1 nafar xotin-qizga profilaktika inspektori tomonidan himoya orderi berilgan;
uzoq muddatga xorijga ketgan 1 nafar xotinni migratsiyadan qaytarish bo‘yicha tegishli choralar ko‘rilgan.

O‘rganish davomida xotin-qizlarning huquq va manfaatlarini himoya qilish, ularni ijtimoiy qo‘llab-quvvatlash, tazyiq va zo‘ravonlikning oldini olish, muammoli oilalar bilan individual ishlash hamda ehtiyojmand xotin-qizlarga amaliy ko‘mak ko‘rsatish masalalari yuzasidan fikr almashildi.

Xalq deputatlari Qo‘qon shahar Kengashi