👤 Xalq deputatlari Shovot tumani Kengashi raisi, 3-Katqal’a saylov okrugi deputati Babajanov Jamolbek Jumabayevich, Kengash kotibiyati mudiri Masharipov Izzat Masharipovich hamda kotibiyat bosh mutaxassisi Ro‘zmetov Umrbek Shavkatovich ishtirokida Tuproqqal’a mahallasidagi ariqlarni betonlashtirish uchun budjetdan ajratilgan mablag‘larning maqsadli va samarali sarflanishi hamda amalga oshirilgan ishlar holati o‘rganildi.
🔎 O‘rganish davomida sessiya kun tartibiga kiritilgan mazkur masala doirasida ajratilgan mablag‘larning ijrosi, bajarilgan ishlarning amaldagi holati va hudud aholisiga yaratilayotgan qulayliklar ko‘zdan kechirildi.
💧 Ariqlarni betonlashtirish orqali sug‘orish tarmoqlarining samaradorligini oshirish, suv isrofini kamaytirish hamda qishloq xo‘jaligi ekinlarini barqaror sug‘orish imkoniyatlarini yaxshilashga alohida e’tibor qaratildi.
📌 Kengash raisi tomonidan ajratilgan budjet mablag‘laridan samarali foydalanish, ishlarning sifatli va belgilangan talablar asosida bajarilishini ta’minlash hamda amalga oshirilayotgan loyihaning amaliy natijadorligini oshirish yuzasidan mas’ullarga tegishli tavsiyalar berildi.
🤝 Mazkur o‘rganish sessiya kun tartibidagi masalaning joyiga chiqqan holda tahlil qilinishi va uning ijrosi ustidan deputatlik nazoratini kuchaytirishga xizmat qiladi.