#biriktirilgan_tashkilot

Xalq deputatlari Payariq tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi M.Nurmanova hamda tuman Oila va xotin-qizlar bo‘limi boshlig‘i G.Israilova tomonidan tumandagi xotin-qizlarni tadbirkorlik faoliyatiga jalb etish, ularning bandligini ta’minlash va doimiy daromad manbaiga ega bo‘lishlari bo‘yicha amalga oshirilayotgan ishlar o‘rganildi.

Xotin-qizlarni kasb-hunarga o‘qitish, tadbirkorlik faoliyatini boshlash istagidagi ayollarga amaliy ko‘mak ko‘rsatish, imtiyozli kredit va subsidiyalardan foydalanish imkoniyatlarini tushuntirish hamda o‘zini o‘zi band qilish orqali daromad topish sharoitlari bilan tanishildi.

Tadbirkorlik bilan shug‘ullanish istagidagi xotin-qizlarning mavjud muammolari, moliyaviy va tashkiliy ehtiyojlari hamda ularni hal etish bo‘yicha mas’ullar tomonidan ko‘rilayotgan choralar muhokama qilindi.

🔰Bizni ijtimoiy tarmoqlarda kuzating:
Telegram | Veb-Sayt| Facebook|instagram |You tube|