AHOLI MUROJAATI MANZILLI O‘RGANILDI. 

Xalq deputatlari Quva tuman Kengashi kotibiyati mudiri R.Nodirov, tuman
Kengashi deputati B.Abduraximov, Kengash huzuridagi Yoshlar maslahat guruhi
rahbari J.Abdurashidov hamda kotibiyat bosh mutaxassisi M.To‘xtasinovlar
tomonidan Gulobod mahalla fuqarolar yig‘inida “Mahalla yettiligi” a’zolari
ishtirokida Do‘stlik-2 ko‘chasi aholisining murojaati manzilli o‘rganildi. 

Muloqot davomida fuqarolar ko‘chada asfalt qoplamasi mavjud emasligi,
ayniqsa, yog‘ingarchilik kunlari bu holat aholi uchun qator noqulayliklar
keltirib chiqarayotganini bildirdilar. 

Murojaatni ijobiy hal etish maqsadida mahalla mas’ullariga zarur
hujjatlarni belgilangan tartibda rasmiylashtirib, tuman hokimligiga taqdim
etish bo‘yicha tegishli tavsiyalar berildi. Shuningdek, ko‘chani asfaltlash
masalasini tuman hokimligi huzuridagi Infratuzilma va ijtimoiy barqarorlik
jamg‘armasi mablag‘lari hisobidan qoplash imkoniyatini ko‘rib chiqish taklifi
bildirildi. 

Mazkur masalaning ijobiy hal etilishi Kengash tomonidan nazoratga olinishi ta’kidlandi. 

Murojaat “Deputatning ko‘cha aylanish daftari”ga kiritilib, uning ijrosi
deputatlik nazoratiga olindi.