Xalq deputatlari Chilonzor tumani Kengashi deputati Mahmudova Donoxon Artikovna tomonidan mahallada yoshlar yetakchisi faoliyati hamda yoshlar bilan ishlash yo‘nalishida amalga oshirilayotgan tadbirlarning samaradorligi joyiga chiqqan holda o‘rganildi.

O‘rganish jarayonida yoshlar bandligini ta’minlash, ularni kasb-hunarga yo‘naltirish, tadbirkorlikka jalb etish, bo‘sh vaqtini mazmunli tashkil etish, ijtimoiy qo‘llab-quvvatlash va davlat dasturlari doirasida yaratilayotgan imkoniyatlardan foydalanish holati tahlil qilindi.

Shuningdek, mahalladagi uyushmagan yoshlar bilan ishlash tizimi, “Yoshlar daftari”ga kiritilgan fuqarolar bilan olib borilayotgan amaliy ishlar, o‘quv kurslari va bandlikka ko‘maklashish bo‘yicha tashkil etilgan loyihalarning natijadorligiga alohida e’tibor qaratildi.

Deputat tomonidan aniqlangan masalalar yuzasidan tegishli mutasaddilarga tavsiyalar berildi hamda yoshlar bandligini oshirish, ularning ijtimoiy faolligini kuchaytirish va mavjud muammolarni tizimli hal etish bo‘yicha amaliy choralarni davom ettirish zarurligi ta’kidlandi.

Xalq deputatlari Chilonzor tumani Kengashi deputatlari tomonidan mahallalarda yoshlar bilan ishlash tizimini yanada takomillashtirish, ularning bandligi va ijtimoiy faolligini oshirishga qaratilgan ishlar doimiy deputatlik nazoratida bo‘lib qoladi.