Prezident Shavkat Mirziyoyevga tadbirkorlar bilan navbatdagi ochiq muloqotga tayyorgarlikning borishi yuzasidan axborot berilgani biznes vakillarining murojaat va takliflarini bevosita eshitish, ularni qiynayotgan masalalarga amaliy yechim topish borasidagi ishlar izchil davom etayotganini ko‘rsatadi.
🌏Deputat sifatida ta’kidlash joizki, bunday ochiq muloqotlar tadbirkorlik muhitini yanada yaxshilash, ortiqcha byurokratik to‘siqlarni kamaytirish, moliyaviy va infratuzilmaviy muammolarni bartaraf etish uchun muhim platforma hisoblanadi. Ayniqsa, hududlardagi tadbirkorlarning takliflarini o‘rganib, ularni yuqori darajadagi muloqotga olib chiqish mahalliy Kengash deputatlarining ham muhim vazifalaridan biridir.
🌏Bugungi kunda yangi ish o‘rinlari yaratish, aholi daromadlarini oshirish va hudud iqtisodiy salohiyatini yuksaltirishda tadbirkorlarning o‘rni beqiyos. Shu bois ochiq muloqot doirasida bildirilayotgan har bir taklif va tashabbusni qo‘llab-quvvatlash, berilayotgan imkoniyatlardan samarali foydalanish hamda belgilangan vazifalarning ijrosini joylarda nazorat qilish zarur.
🌏Mazkur muloqot tadbirkorlar uchun yangi imkoniyatlar eshigini ochib, ularning faoliyatini rivojlantirishga xizmat qiladigan muhim qaror va tashabbuslarga asos bo‘lishiga ishonaman.