🟢 QARABOG‘ MAHALLASIDAGI TADBIRKORLIK SUBYEKTLARIDA O‘RGANISH O‘TKAZILDI

Xalq deputatlari Sherobod tumani Kengashi huzuridagi Korrupsiyaga qarshi kurashish komissiyasi a’zolari tomonidan Sherobod tumanining “Qarabog‘” mahallasida tosh saralash faoliyati bilan shug‘ullanuvchi uchta tadbirkorlik subyektida o‘rganish olib borildi.

O‘rganishda Xalq deputatlari Sherobod tumani Kengashi raisi, Kengash huzuridagi Korrupsiyaga qarshi kurashish komissiyasi raisi Tursunov Otabek Tojiyevich, Xalq deputatlari Surxondaryo viloyati Kengashi deputati Kravchenya Gennadiy Nikolayevich, huquqni muhofaza qiluvchi organlar vakillari hamda tegishli mas’ullar ishtirok etdi.

🔎 ASOSIY E’TIBOR — SHAFFOFLIK VA NAZORATGA
O‘rganish davomida tadbirkorlik subyektlarida amalga oshirilayotgan ishlar, faoliyatning belgilangan talablar asosida tashkil etilgani, mavjud muammolar hamda ularni bartaraf etish imkoniyatlari ko‘rib chiqildi.

Korxonalarda faoliyatni yanada shaffof va samarali tashkil etish, nazorat mexanizmlarini kuchaytirish masalalariga alohida e’tibor qaratildi.

💻 RAQAMLASHTIRISH — KORRUPSIYAVIY XAVFLARNING OLDINI OLISH VOSITASI
Korrupsiyaviy holatlarning oldini olish maqsadida faoliyatni raqamli tizimlar asosida yuritish va nazorat qilish imkoniyatlari muhokama qilindi.
Bunda raqamli tizimlardan foydalanish orqali ma’lumotlarning aniqligi va shaffofligini ta’minlash, inson omilini kamaytirish hamda nazorat jarayonlarini yanada takomillashtirish imkoniyatlariga e’tibor qaratildi.

📌 O‘RGANISH NATIJASI
O‘rganish yakunlari bo‘yicha aniqlangan masalalar va bildirilgan takliflar umumlashtirilib, faoliyatni yanada takomillashtirish, qonuniylik va shaffoflikni ta’minlash hamda korrupsiyaviy xavflarning oldini olishga qaratilgan tegishli chora-tadbirlarni belgilash yuzasidan tavsiyalar ishlab chiqish masalasi belgilandi.

Mazkur o‘rganish Kengash huzuridagi Korrupsiyaga qarshi kurashish komissiyasining hududdagi tadbirkorlik subyektlari faoliyatini joyiga chiqqan holda o‘rganish, mavjud muammolarni aniqlash va ularning oldini olish bo‘yicha amaliy nazoratni kuchaytirishga qaratilgan ishlarining navbatdagi ko‘rinishi bo‘ldi.