Xalq deputatlari Marg‘ilon shahar Kengashi deputati M. Raimdjanov tomonidan joylarda olib borilgan o‘rganishlar natijasida aniqlangan masalalar yuzasidan Marg‘ilon shahar hokimining birinchi o‘rinbosari A. Turdaliyevga deputat so‘rovi yuborildi.

So‘rovda 2026-yilning 6 oyi davomida oilaviy tadbirkorlikni rivojlantirish dasturlari doirasida hokim yordamchilari tavsiyasi asosida tijorat banklari tomonidan aholiga ajratilgan kredit mablag‘larining miqdori, yo‘nalishlari, maqsadli sarflanishi va natijadorligi haqida asoslantirilgan ma’lumot berish so‘ralgan.

Shuningdek, ajratilgan kreditlar hisobidan yangi tadbirkorlik faoliyati yo‘lga qo‘yilgani, yangi ish o‘rinlari yaratilgani hamda aholi daromadlarini oshirish borasida qanday natijalarga erishilgani yuzasidan ma’lumotlar so‘ralgan.

Mazkur masala deputat nazoratiga olinib, joylarda aniqlangan holatlarning amaldagi qonunchilik talablari asosida o‘rganilishi va muammolarni bartaraf etish bo‘yicha tegishli choralar ko‘rilishi nazorat qilinmoqda.