Xalq deputatlari Andijon shahar Kengashi deputati R. Ahmadulin tomonidan Dolzarb 90 kunlik doirasida Andijon shahridagi 32-sonli umumta'lim maktabiga tashrif buyurilib, yozgi ta'til davrida yoshlarning bo‘sh vaqtini mazmunli tashkil etish maqsadida faoliyat yuritayotgan tennis to‘garagi faoliyati o‘rganildi.

O‘rganish davomida tennis mashg‘ulotlarining tashkil etilishi, o‘quvchilarning to‘garakka jalb etilishi hamda ular uchun yaratilgan shart-sharoitlar ko‘zdan kechirildi.

Shuningdek, tennis to‘garagi faoliyatini yanada samarali tashkil etish, yoshlarning sportga bo‘lgan qiziqishini oshirish va sog‘lom turmush tarzini targ‘ib qilish yuzasidan mas'ullar bilan fikr almashildi.

Yoshlarning yozgi ta'tilini mazmunli o‘tkazish hamda ularni sportga keng jalb etish borasidagi ishlar izchil davom ettirilmoqda.