2026-yil 11-avgust kuni Xalq deputatlari Pastdarg‘om tumani Kengashi deputati S. Nurmamatova tomonidan “Deputat daftari”ga Qozoq Nayman mahallasining Shohimardon ko‘chasida aholidan kelib tushgan murojaatlar qayd etildi.

🔹 Kadastr masalasi bo‘yicha murojaat
Shohimardon ko‘chasi fuqarolaridan biri tomonidan kadastr hujjatlarini rasmiylashtirish masalasida murojaat qilindi. Murojaat yuzasidan mavjud kadastr hujjatlaridagi kamchiliklar o‘rganilib, fuqaroga kadastr ishlari bo‘yicha zarur tushuntirishlar berildi.

Shuningdek, fuqaro xatlov hujjatlarini rasmiylashtirish masalasida ham murojaat qilgan.

O‘rganish davomida xatlov ishlari amalga oshirilgani, biroq hududning shahar hududiga o‘tkazilganligi bilan bog‘liq tegishli buyruq mavjud emasligi masalasiga aniqlik kiritish zarurligi qayd etildi.

🔹 Chiqindilarni o‘z vaqtida olib ketish masalasi
Shuningdek, Shohimardon ko‘chasi aholisi tomonidan maishiy chiqindilarni o‘z vaqtida olib ketish yuzasidan murojaat kelib tushdi.

Mazkur masalalar yuzasidan deputat so'rovi yuborish rejalashtirildi.