Xalq deputatlari Andijon shahar Kengashi raisi R. Ziyayev Andijon shahar hokimining o‘rinbosari K. Mamadaliyev bilan uchrashib, dolzarb masalalarni muhokama qildi.

Uchrashuvda aholi murojaatlarini o‘rganishda shahar hokimligi va deputatlar o‘rtasidagi hamkorlikni yanada kuchaytirish, shuningdek, sessiya kun tartibiga kiritilayotgan masalalarni hokimlik vakillari bilan birgalikda dastlabki tartibda ko‘rib chiqish yuzasidan kelishuvga erishildi.

Shuningdek, deputatlar tomonidan saylov okruglarida o‘tkazilayotgan o‘rganishlar davomida ichki yo‘llarni asfaltlashtirish bo‘yicha ko‘plab murojaatlar kelib tushayotgani qayd etilib, mazkur masalalarni bosqichma-bosqich ijobiy hal etish zarurligi ta’kidlandi.

Hamkorlik va tizimli yondashuv orqali aholi muammolariga samarali yechim topish ustuvor vazifa bo‘lib qolmoqda.