Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq O‘zbekiston “Adolat” sotsial-demokratik partiyasidan saylangan deputat N.Nadirova tomonidan tumanning “Novobod” mahallasiga biriktirilgan xotin-qizlar faoli D.Isomovaning hududda istiqomat qiluvchi xotin-qizlarning murojaatlari, ijtimoiy holati va mavjud muammolarini aniqlash hamda ularni bartaraf etish bo‘yicha olib borilayotgan ishlarga e’tibor qaratildi.

🔻O‘rganish davomida xotin-qizlar bilan individual ishlash, ularning muammolarini xonadonbay o‘rganish, ijtimoiy qo‘llab-quvvatlashga muhtoj oilalarni aniqlash, ishsiz xotin-qizlarni bandligini ta’minlash, kasb-hunar va tadbirkorlikka yo‘naltirish borasidagi ishlar ko‘rib chiqildi. Shuningdek, xotin-qizlarning doimiy daromad manbaiga ega bo‘lishini ta’minlash, ularning tadbirkorlik tashabbuslarini qo‘llab-quvvatlash, kasb-hunar o‘rganish istagida bo‘lgan fuqarolarni tegishli o‘quv kurslariga yo‘naltirish masalalari tahlil qilindi.

🔻Shu bilan birga, “Ayollar daftari” ro‘yxatiga kiritilgan xotin-qizlarning ijtimoiy holati, ularni qo‘llab-quvvatlash maqsadida ko‘rilayotgan choralar, mavjud muammolarni bartaraf etish bo‘yicha amalga oshirilgan ishlar hamda berilgan yordamlarning natijadorligi tahlil qilindi.

🔻O‘rganish yakunida “Ayollar daftar”dagi har bir xotin-qizning holatini muntazam o‘rganib borish, amalga oshirilayotgan yordamlarning natijadorligini nazorat qilish, ishsiz xotin-qizlarni bandligini ta’minlash va ularni daromadli mehnatga jalb etish bo‘yicha ishlarni yanada kuchaytirish yuzasidan tegishli tavsiyalar berildi.