✔️“Ayol qadri ulug‘langan jamiyatda taraqqiyot bo‘ladi” mavzusida davra suhbati o‘tkazildi

📍Xalq deputatlari Samarqand viloyati Kengashining 44-Charxin saylov okrugidan saylangan deputat Guljahon Mustafoyeva tashabbusi bilan Pastdarg'om tumanidagi 57-sonli madaniy-ma’rifiy tadbirlar maskanida “Ayol qadri ulug‘langan jamiyatda taraqqiyot bo‘ladi” mavzusida davra suhbati tashkil etildi.

➡️Tadbirda ziyolilar, nuroniy onaxonlar, mahalla faollari hamda jamoatchilik vakillari ishtirok etib, xotin-qizlarning jamiyat va oiladagi o‘rni, ularning huquq va manfaatlarini himoya qilish, oilaviy qadriyatlarni mustahkamlash hamda xotin-qizlar bandligini ta’minlash masalalari yuzasidan fikr almashdilar.

📌Davra suhbatida so‘zga chiqqan deputat Guljahon Mustafoyeva mamlakatimizda xotin-qizlarni har tomonlama qo‘llab-quvvatlash, ularning huquq va manfaatlarini himoya qilish, munosib mehnat va turmush sharoitlarini yaratish davlat siyosatining ustuvor yo‘nalishlaridan biri ekanini alohida ta’kidladi.

⚡️Shuningdek, tadbir davomida yosh oilalarni qo‘llab-quvvatlash, oilaviy ajrimlarning oldini olish, farzand tarbiyasida onaning beqiyos o‘rni va jamiyat taraqqiyotida ayollarning faolligini oshirish masalalari muhokama qilindi.

🤝 Tadbir yakunida oilada, mahallada va jamiyat hayotida o‘zining ibratli faoliyati bilan ajralib turgan, oila mustahkamligi va farovonligini ta’minlashda namuna bo‘lib kelayotgan ayollar e’tirof etildi.