#_kunlik_ish_reja_ijrosi
#_deputat_faoliyati
#_kotibiyat_xodimi_faoliyati
#_24_ta_tavsiyalar_ijrosi

Sessiya oldidan masalalar va fuqarolar murojaatlari — deputat e’tiborida

Xalq deputatlari Sariosiyo tumani Kengashiga 19-«Olmazor» saylov okrugidan saylangan deputat S.Qurbonov hamda tuman Kengashi kotibiyati bosh mutaxassisi N.Xamdamova tomonidan «Niholzor» mahallasida o‘rganish ishlari olib borildi.

O‘rganish jarayonida navbatdagi sessiya kun tartibiga kiritilishi rejalashtirilayotgan masalalar yuzasidan mahalladagi ijtimoiy xizmatlar holati, aholi, xususan, xotin-qizlarga yaratilayotgan imkoniyatlardan samarali foydalanish, ularni kasb-hunarga o‘qitish, zamonaviy kasblarga yo‘naltirish hamda bandligini ta’minlash masalalari muhokama qilindi.

Muloqot davomida mahalla faollari va fuqarolarning fikr-mulohazalari, taklif va tavsiyalari tinglanib, aholini qiynayotgan mavjud muammolarga yechim topish yuzasidan fikr almashildi.
Shuningdek, fuqarolar tomonidan bildirilgan murojaatlar deputat tomonidan batafsil eshitilib, ularni hal etish bo‘yicha mas’ul tashkilotlar bilan hamkorlikda amaliy choralar ko‘rish zarurligi ta’kidlandi.

O‘rganish yakunida sessiya kun tartibidagi masalalarni muhokama qilishda hudud aholisining taklif va mulohazalarini inobatga olish, ijtimoiy xizmatlar sifatini yanada oshirish, xotin-qizlarni kasbga o‘qitish va ularning bandligini ta’minlashga qaratilgan ishlarni tizimli ravishda davom ettirish bo‘yicha tegishli vazifalar belgilab olindi.
Deputatlik nazorati va aholi bilan ochiq muloqotlarning bunday shakli hududdagi muammolarni o‘z vaqtida aniqlash, ularni hal etishga mas’ul tashkilotlar faoliyatini muvofiqlashtirish hamda fuqarolar manfaatlarini himoya qilishda muhim ahamiyat kasb etadi.