“Dolzarb 40 kunlik” tadbirlari doirasida Xalq deputatlari Mirzo Ulug‘bek tumani Kengashi kotibiyati mudiri, O‘zbekiston Adolat SDP a’zosi Shoanvar Shomaxmudov “Olimlar” mahallasida olib borilayotgan obodonlashtirish ishlarida faol ishtirok etmoqda.

Tadbirlar jarayonida mahallani yanada obod qilish, ko‘kalamzorlashtirish ishlarini kengaytirish, hududda ozodalikni ta’minlash, atrof-muhitni muhofaza qilish, ekologik madaniyatni yuksaltirish, aholi o‘rtasida mehr-oqibat va hamjihatlik muhitini mustahkamlash masalalariga alohida e’tibor qaratilmoqda.

Qayd etilganidek, bu kabi tadbirlar mahallalarda obod va fayzli muhitni qaror toptirish, aholining ijtimoiy faolligini oshirish hamda bag‘rikenglik va o‘zaro hurmat kabi ezgu qadriyatlarni yanada mustahkamlashga xizmat qilmoqda.

Bo‘lib o‘tgan tadbirda Kengash kotibiyati bosh mutaxassisi Jamoliddin Kuchkarov ham ishtirok etdi.