O‘zbekiston Respublikasi davlat mustaqilligining 35 yilligi munosabati bilan mahalla yettiligi bilan birgalikda Xalq deputatlari Zomin tuman Kengashi deputati G.Maxsudova ishtirokida mahallada obodonlashtirish va ko‘kalamzorlashtirish tadbirlari tashkil etildi.

Tadbir davomida ichki ko‘chalar, jamoat joylari va ijtimoiy soha obyektlari atrofi tartibga keltirilib, hududlarni tozalash, daraxt va gul ko‘chatlarini parvarishlash, yashil maydonlarni kengaytirish hamda sanitariya holatini yaxshilash bo‘yicha amaliy ishlar amalga oshirildi.

Shuningdek, fuqarolar bilan muloqot o‘tkazilib, xonadonlar va ko‘chalarni ozoda saqlash, ekologik madaniyatni yuksaltirish, atrof-muhitni asrash hamda obodonlashtirish ishlarida keng jamoatchilikning faol ishtirok etishi muhim ekani ta'kidlandi.