Bugun Olmaliq shahar "Hilol" mahallasida hamjamiyat va inson manfaatlari yoʻlida navbatdagi muhim oʻrganishlar oʻtkazildi. Xalq vakili, shahar Kengashi deputati Muhiddin Abdullayev hamda Xalq deputatlari shahar Kengashi Kotibiyati mudiri Sevar Qodirova hududdagi ijtimoiy xodim faoliyati, mahallaning ijtimoiy muhiti va aholiga koʻrsatilayotgan koʻmak samaradorligini atroflicha tahlil qildilar.

📌 Oʻrganishlar markazida:
🔍 Davlat tomonidan ajratilayotgan moddiy va ijtimoiy yordamlarning amaldagi qonun hujjatlariga muvofiqligi, har bir murojaat ortida inson taqdiri turgani alohida taʼkidlandi.
💻 Yordam puli va koʻmak turlarining elektron tizim orqali adolatli va oʻz vaqtida yuritilishi bevosita koʻzdan kechirildi. Inson omilini kamaytirish va har bir ko'rsatkichni aniq hisob-kitob qilish bo'yicha mas'ullarga tushunchalar berildi.
🤝 Deputat M.Abdullayev mahalladagi ijtimoiy xodim bilan muloqotda shunchaki hisobotlar ortidan quvmasdan, har bir xonadonga kirib borish, ehtiyojmand oilalarning haqiqiy dardini tinglash lozimligiga urgʻu berdi.
💬 Deputat Muhiddin Abdullayev:
"Ijtimoiy xodim — bu shunchaki shtat birligi emas, u davlat va xalq o'rtasidagi eng yaqin ko'prikdir. Bizning maqsadimiz — qog'ozdagi raqamlarni emas, insonlar hayotidagi ijobiy o'zgarishlarni ko'rish. Har bir ehtiyojmand fuqaro davlatning g'amxo'rligini o'z hayotida his etishi shart!"

Muammolarni joyida oʻrganish, ijtimoiy adolatni taʼminlash va xalq roziligiga erishish yoʻlidagi amaliy ishlar jadal davom etadi.