Xalq deputatlari Qumqo‘rg‘on tuman Kengashi kotibiyati mudiri Sh.Abdusamatov og‘ir toifaga kiritilgan “To‘g‘on” mahallasida aholi uchun qulay infratuzilma obyektlarini barpo etish ishlarining borishini o‘rgandi.
Loyiha doirasida:
🔹 3.2 kilometr ichki yo‘llarni asfaltlash;
🔹 elektr energiyasi ta’minotini yaxshilash maqsadida 1 dona transformator va  98 dona beton ustun o‘rnatish;
🔹 4.1 kilometr yopiq elektr kabel tarmog‘ini tortish rejalashtirilgan.
Ayni paytda tasdiqlangan reja asosida 1 dona transformator va  98 dona beton ustun o‘rnatilib, 4.1 kilometr yopiq elektr kabel tarmog‘i tortilgan. Mahalla ichki ko‘chalariga asfalt yotqizish ishlari amalga oshirilmoqda.
Amalga oshirilayotgan mazkur loyihalar, avvalo, aholining kundalik turmush sharoitini yaxshilash, muhandislik-kommunikatsiya infratuzilmasini rivojlantirish va hududni zamonaviy qiyofaga keltirishga qaratilgan.