Xalq deputatlari Bag‘dod tumani Kengashining 11-"Chekmirzaobod" saylov okrugi deputati A.Sirojiddinov, tuman Kengashi kotibiyati bosh mutaxassisi U.Raximjonov hamda O‘zLiDeP Bag‘dod tuman Kengashi apparat rahbari R.Yegitaliyevlar tomonidan "Chekmirzaobod" mahalla fuqarolar yig‘ini hududidagi 41-son davlat maktabgacha ta'lim tashkilotida o‘rganish ishlari olib borildi.

O‘rganish davomida muassasaning 1978-yilda qurilgani va 120 o‘ringa mo‘ljallangan bo‘lishiga qaramay, ayni paytda 210 nafar tarbiyalanuvchiga ta'lim-tarbiya berilayotgani qayd etildi. Shuningdek, uzoq yillardan buyon foydalanib kelinayotgan eshik va deraza romlarining eskirgani hamda bolalar ayvonchalarining ta'mirtalab holatga kelgani aniqlandi.

O‘rganish yakunlari bo‘yicha muassasada mavjud kamchiliklarni bartaraf etish, bino infratuzilmasini yaxshilash va tarbiyalanuvchilar uchun yanada qulay hamda xavfsiz sharoitlarni yaratish yuzasidan tegishli takliflar ishlab chiqilib, mazkur masalalar deputat nazoratiga olindi.