Doimiy komissiyalar va tashkilotlar hamkorligi amalda

Xalq deputatlari Pastdarg‘om tumani Kengashi doimiy komissiyalari hamda tegishli tashkilotlar o‘rtasidagi hamkorlikni yanada mustahkamlash, hududlarda mavjud masalalarni o‘rganish va amaliy ko‘mak ko‘rsatish maqsadida o‘rganish ishlari davom etmoqda.

Shu doirada Xalq deputatlari Pastdarg‘om tumani Kengashi deputati M. Kazakov tomonidan Pastdarg‘om tuman Jamoat salomatligi bo‘limi Sanitariya-epidemiologik osoyishtalik va jamoat salomatligi xizmati rahbari bilan uchrashuv o‘tkazildi.

Uchrashuv davomida hududda sanitariya-epidemiologik osoyishtalikni ta’minlash, aholi salomatligini muhofaza qilish, profilaktik tadbirlarni kuchaytirish hamda sohaga oid dolzarb masalalar yuzasidan fikr almashildi.

Shuningdek, doimiy komissiyalar va tegishli tashkilotlar o‘rtasidagi hamkorlikni yanada rivojlantirish, mavjud muammolarni o‘z vaqtida aniqlash va ularni bartaraf etish bo‘yicha kelgusidagi vazifalar muhokama qilindi.