Doimiy komissiyalar hamkorlikda faoliyat olib bormoqda

Xalq deputatlari Pastdarg‘om tumani Kengashi doimiy komissiyalari tomonidan hududni ijtimoiy-iqtisodiy rivojlantirish, aholi muammolariga yechim topish hamda davlat dasturlari ijrosini ta’minlash maqsadida tegishli tashkilot va idoralar bilan yaqin hamkorlikda tizimli ishlar amalga oshirilmoqda.

Ana shunday hamkorlik doirasida deputat J.Ochilov tuman Kreativ parki rahbari bilan uchrashib, yoshlarning kasb-hunar va zamonaviy kasblarga qiziqishini oshirish, ularning bandligini ta’minlash, innovatsion g‘oya va loyihalarni qo‘llab-quvvatlash yo‘nalishlarida hamkorlik masalalarini muhokama qildi.

Muloqot davomida hududdagi yoshlarni Kreativ park imkoniyatlaridan keng foydalanishga jalb etish, ularning iqtidorini ro‘yobga chiqarish hamda qo‘shma loyihalarni amalga oshirish yuzasidan kelgusidagi vazifalar belgilab olindi.