Xalq deputatlari Chinoz tumani Kengashining ish rejasiga muvofiq, O‘zLiDeP partiyasidan 1-Markaz saylov okrugidan saylangan deputat E.Saidovga biriktirilgan Kengash kotibiyati bosh mutaxassisi D.Ulug‘bekova tomonidan tumandagi Xo'ja MFYga biriktirilgan mahalladagi soliq inspektori faoliyati o‘rganildi.

O‘rganish davomida mahalladagi soliq inspektori zimmasiga yuklatilgan vazifalarning ijrosi, xususan, soliq qonunchiligi talablarini aholiga tushuntirish, tadbirkorlik subyektlari bilan ishlash, soliq to‘lovchilar bazasini shakllantirish va yangilab borish, yashirin iqtisodiyotning oldini olish, o‘zini o‘zi band qilgan fuqarolar hamda yakka tartibdagi tadbirkorlar faoliyatini qonuniylashtirish bo‘yicha amalga oshirilayotgan ishlar tahlil qilindi.

Shuningdek, fuqarolar va tadbirkorlik subyektlarining murojaatlari bilan ishlash, ularga amaliy ko‘mak ko‘rsatish hamda mahallada soliq intizomini mustahkamlash borasida olib borilayotgan chora-tadbirlar ko‘zdan kechirildi.

O‘rganish yakunlari yuzasidan mas’ullarga tegishli tavsiya va takliflar berilib, yuklatilgan vazifalar ijrosini yanada samarali tashkil etish bo‘yicha takliflar bildirildi.