Olmaliq shahar "Oltin" mahallasi hududida chiqindilarni o‘z vaqtida olib chiqib ketilishi va hududning tozaligi yuzasidan Xalq deputatlari Olmaliq shahar Kengashi 5-okrug deputati Sayfiddin Subanov tomonidan navbatdagi o‘rganish tadbiri o‘tkazildi.
🔍 O‘rganish davomida:
Nazorat tadbiri davomida hududdagi 3-sonli davlat maktabgacha ta’lim tashkiloti atrofida noxush holat kuzatildi. Mazkur bog‘cha yaqinidagi Faxriylar ko‘chasida faoliyat yuritayotgan ayrim tadbirkorlik subyektlari tomonidan chiqindilarni belgilanmagan joyga, noqonuniy ravishda tashlash holatlari aniqlandi. Bu esa hududda sanitariya-antisanitariya holatining yomonlashishiga va aholining haqli e’tirozlariga sabab bo‘lmoqda.
🛠 Ko‘rilgan choralar va natija:
Deputat tomonidan qonunbuzarlikka yo‘l qo‘ygan tadbirkorlik subyektlari vakillari bilan bevosita muloqot o‘tkazilib, atrof-muhitni muhofaza qilish, chiqindilarni belgilangan tartibda utilizatsiya qilish bo‘yicha tushuntirish va ogohlantirish ishlari olib borildi.
Mas’ullarga topshiriq berildi: Hududdagi to‘planib qolgan chiqindilarni zudlik bilan bartaraf etish hamda kelgusida grafik asosida o‘z vaqtida olib chiqib ketilishini ta’minlash bo‘yicha chiqindi tashishga mas’ul tashkilot rahbarlariga tegishli topshiriqlar berildi.
📢 Deputat nazorati: Mazkur hududda ekologik tozalikni saqlash va aniqlangan kamchiliklarni to‘liq bartaraf etish masalasi deputat Sayfiddin Subanov tomonidan qat’iy nazoratga olindi.

Zero, hududlar tozaligi va farzandlarimiz tarbiyalanayotgan maskanlar atrofining saranjom-sarishtaligi barchamizning umumiy burchimizdir.
✍️ Xalq deputatlari Olmaliq shahar Kengashi Kotibiyati bosh mutaxassisi: Muhriddin Begmatov