"Chamanbog" mahallasida yashil hudud barpo etish ishlari deputat tomonidan o‘rganildi

✨ Xalq deputatlari Olmazor tumani Kengashining 7-"Chamanbog‘" saylov okrugi deputati Abdumannop Abduqayumov tomonidan "Chamanbog" mahallasi Damariq kanali bo‘yida amalga oshirilayotgan ko‘kalamzorlashtirish va obodonlashtirish ishlari bilan tanishildi.

💦 O‘rganish davomida hududda zamonaviy tomchilatib sug‘orish tizimini barpo etish, yashil maydon tashkil etish hamda daraxt va manzarali o‘simliklarni parvarishlash uchun yaratilayotgan sharoitlar ko‘zdan kechirildi.

📌 Deputat tomonidan ishlarning sifatli va belgilangan muddatlarda yakunlanishini ta'minlash, sug‘orish tizimining samarali ishlashini nazorat qilish hamda hududni yanada obod va ko‘rkam maskanga aylantirish yuzasidan mas'ullarga tegishli tavsiyalar berildi.

📚 Deputat faoliyati quyidagi qonunlar ijrosi doirasida amalga oshirilmoqda:
🔹 "Ekologik nazorat to‘g‘risida"gi Qonun
🔹 "Tabiatni muhofaza qilish to‘g‘risida"gi Qonun
🔹 "Mahalliy davlat hokimiyati to‘g‘risida"gi Qonun

🌱 Yashil hududlarni kengaytirish va ekologik muhitni yaxshilashga qaratilgan bunday loyihalar mahallaning yanada obod, ekologik barqaror va aholi uchun qulay maskanga aylanishiga xizmat qiladi.