Olmaliq shahrida joylashgan, Yevropa standartlariga to‘la javob beradigan yuqori sifatli sun'iy kvars toshlari (plitalar) ishlab chiqarishga ixtisoslashgan "National Stone" (to'liq nomi: "Olmaliq Metal Group Industries") korxonasi faoliyati mutasaddilar tomonidan o‘rganildi.
Mazkur korxona O'zbekistonda sun'iy tosh ishlab chiqaruvchi ilk yirik va yetakchi kompaniyalardan biri hisoblanadi.

🔍 O‘rganish jarayoni va tavsiyalar
Korxonadagi ish jarayoni, ishlab chiqarish quvvati va mavjud holat quyidagi ishchi guruh tomonidan yaqindan ko‘zdan kechirildi:
Sevar Qodirova — Xalq deputatlari Olmaliq shahar Kengashi kotibiyati mudiri;
Shermuhammad Begiyev — Shahar hokimining birinchi o‘rinbosari;
Mukarram Nematullayeva — Kotibiyat bosh mutaxassisi.

O‘rganish davomida korxonaning kelgusi rejalari, eksport salohiyatini yanada oshirish hamda ishlab chiqarishni kengaytirish masalalari muhokama qilindi. Tashrif yakunida tadbirkorlarga faoliyatni yanada rivojlantirish bo‘yicha zarur va foydali tavsiyalar berildi.