Tumani hokimi (12-Bashir saylov okrugi deputati) Rustam Gafurov boshchiligidagi ishchi guruh bugun tumanning "Panji" va "Qorabuloq" mahallalarida bo‘lib, mahalla faollari, ko‘chaboshilar hamda aholi vakillari bilan ochiq muloqotlar o‘tkazdi.

Uchrashuvlar davomida hududlarni obodonlashtirish va ko‘kalamzorlashtirish ishlarini jadallashtirish, sanitariya-tozalikni ta’minlash, "Obod xonadon – obod ko‘cha – obod mahalla" tamoyili asosida amalga oshirilayotgan ishlar samaradorligini oshirish, tomorqa yerlaridan unumli foydalanish, ichki ko‘chalar hamda ijtimoiy infratuzilma obyektlarini tartibga keltirish, shuningdek, Mustaqilligimizning 35 yilligini munosib kutib olish doirasida belgilangan ustuvor vazifalar muhokama qilindi.

Har bir mahallada bunyodkorlik va obodonlashtirish ishlarini uyushqoqlik bilan tashkil etish, fuqarolarning ushbu jarayonlardagi faolligini oshirish, ozodalik, tartib-intizom va ahillik muhitini yanada mustahkamlash yuzasidan mas’ullarga aniq topshir va ko'rsatmalar berildi.

KENGASH